Batzorde honen helburua ez da gaur egun dugun jantoki ereduaren kudeaketan sartzea. Bada, helburua etorkizunean jantokia Eusko Jaurlaritzak eta Guraso Elkarteak eskolako zuzendaritzaren eskutik, kudeatzeko eredua aztertu, eztabaidatu eta lantzea da.

Zer lortu nahi dugu jangela eredu Berri honekin? Gure umeen bazkariaren kalitatea hobetzea, gure eskualdeko baliabideen. produktu ekologikoen sasoian sasoiko produktuen kontsumoa sustatuz, besteak beste.

Lehenengo pausua Guraso Elkartetik Eusko Jaurlaritzari sukaldea ipintzeko eskakizuna helaraztea da. Eskakizun horrek indar gehiago izan dezan, eskolako zuzendaritzaren eta udalean dauden alderdi politiko guztien babesa lortzen saiatuko gara. Hurrengo urratsa, mobilizazio eta formakuntza eta sentsibilizazio jarduerak lantzea izango da eskolako ume eta familien artean. Halaber, jangela eredu berriaren aurreproiektua diseinatzen hasiko gara.

Gernikako Allende Salazar, Markinako Bekobenta Eskola, Laukarizko Eskola edo Orduñako Eskola bezalako ikastetxeek bidea hasita daukate jada. Hala, “Gure Platera Gure Aukera” bezalako plataformei esker, gero eta ikastetxe gehiago gara jangela kudeaketa eredu berri honen alde lan egin nahi dugunak.

“Informazio gehiago” botoian sakatuz gero, orain arte egindako mobilizazio eta ekintzen argazki galeriara jo dezakezu. Gainera, etorkizunean gauzatuko diren ekintzen gaineko informazioa ere eskura dago “Agenda” atalean.

Adi egon…. Bidea hasi baino ez baitugu egin!

“Elkarbizitzarako hezi. Berdintasunean hezi, aukera gabeziak talentuak galtzea ekar ez dezan” (Josefina Aldecoa)

“Informazio gehiago” botoian sakatuz gero, argazki galeriara eta batzordeak landutako materialera jo dezakezu.