URKITZAKO PATIOA DENONA DA

Gure eskolako patioa eraldatze prozesuan dago TipiGara kooperatibaren eskutik.  Lehenengo fasean burututako ekintza eta lanketetatik eratorritako helburuak honakoak dira:

• Jolasteko eta egoteko modu anitzak ahalbidetzea, bai patioan eskainitako jolas aukera eta materialen bitartez, baita espazioaren diseinuari dagokionez ere.
• Errespetuzko harremanak indartu eta botere harremanak lausotzea.
• Haur Hezkuntzako umeentzako aproposa den garapenerako eta sozializaziorako testuinguruan sakontzea, umeek adin hauetan dituzten beharrei so eginez (babesa, esperimentazioa, naturarekin harremana, jolas aktiboa…).
• Patioan natura eta berarekiko harremana sustatzea, espazioaren diseinuaren parte bezala zein bertako ekintzarako elementu bezala kontuan hartuz.
• Adina eta zaintza beharrak aintzat hartuta, pribatutasun maila anitzak eskaintzea, tokien ikusgarritasuna, tamaina edo kualitate ezberdinak landuta.
• Eguraldi euritsua dela-eta umeek patioa eta kanpo espazioak erabiltzeko mugatuta egotean, jolasteko eta egoteko modu anitzak ahalbidetzea.

Irakurri hemen TipiGara kooperatibak aurrera eramandako beste hainbat proiekturen inguruko artikulua.